நீயாக நான்

என்னை வெல்வதற்கான உத்திகளை
நான் மட்டமே அறிந்திருந்த போதும்
 உன்னிடம் மட்டும் ஏனடி
அடிக்கடி தோற்றுப் போகிறேன்
நீ நானாக இருப்பதாலா...!

பிடிவாதம்

வலிகளை வார்த்தைகளாக்கிய பின்பும்
மௌனத்தை மட்டும் ஏனடி
மாற்றமுடியாதென்கிறாய்....

விதிவிலக்கு

இருதயமோ மூளையோ இல்லாது
உயிர் வாழ்தல் சாத்தியமில்லைதான்
ஆனால்...
இருதயமே இல்லாமல் நீயும்
மூளையே இல்லாமல் நானும்
விதிவிலக்காய் எப்படி அன்பே...?



(தமிழன்பன் கவிதை) 

நில்லா நினைவு

நில்லென்று சொன்னால்
நீயே நிற்பதில்லை -வரும்
நினைவெங்கே நிற்கும் அன்பே
உனைநீங்கி நில்லென்றால்.




(தமிழன்பன் கவிதை)

பகிர்தல்

உளம் வருந்தி கொடுப்பதும்
உனை வருத்தி பெறுவதும்
இல்லை அன்பே ஆனந்தம்
பகிர்தல் ஒன்றே பரமானந்தம்




(தமிழன்பன் கவிதை) 

காதல் கறை

மற என்றால் மறந்துவிட
காரமிட்டு அழித்துவிட
கறையல்ல பெண்ணே-அது
நெஞ்சில் காதல்



(தமிழன்பன் கவிதை) 

நினைவுகள்

ஆற்றங்கரை அரசமரத்தடி
அணைத்திருக்கும் மணல்மேடு
அருகிருக்கும் உன்னினைவுகள்
ஆனால் நீமட்டும் இன்றில்லை...



(தமிழன்பன் கவிதை) 

மறுபரிசீலனை

மரணதண்டனைக்கு கூட
மறுபரிசீலனை இருக்கிறதே
நீமட்டும் ஏனடி
முடியாதென்கிறாய்....



(தமிழன்பன் கவிதை) 

தவிப்பு

எங்கே இசைத்தாலும்
நீயே மீட்டுவதாய்
தவிக்குதடி மனது
தர்க்கமே இல்லாமல்- என்
தாளங்களை போலவே...



(தமிழன்பன் கவிதை)

காலம்

கரைகிறது காலம்
உன் நினைவை
மட்டும்
உருகாமல்
உறையவிட்டு...



(தமிழன்பன் கவிதை)

தியானம்

மனதொடுக்கி
நிலைமறந்து
தியானிக்கிறாய் நீ
திசைமாறுதடி
என் திடம்...


(தமிழன்பன் கவிதை)

முரண்

நிழல் சூடானவெயிலாய்
தூறல் பெருமழையாய்
மென்பனி கடுங்குளிராய்
அமைதியான பேரிரைச்சலாய்
நானாக நீ என்னுள்ளே ...


(தமிழன்பன் கவிதை) 

ஈரம்

நீலம் மறந்த வானம்
நில்லாது தூவும் மழை
குடையில்லாமல் - நீ
நனைந்தபடி என் மனது..



(தமிழன்பன் கவிதை) 

உளவு

உளவறியும்
உன்பார்வையால்
என் களவறிந்து ஊர்
சொல்லும் நீ -என்
உளமறியாததேனோ..?


(தமிழன்பன் கவிதை) 

காலம்

எதிர்காலம் நிகழ்காலம் கடந்தகாலம்
என காலங்களை கடந்தகாலம் அன்பே- நீ
எக்காலத்தில் வந்தாயோ நான் அறியேன்
நீ வந்து போனது எனது கஷ்டகாலம்....


(தமிழன்பன் கவிதை)