கோபப்பட்டவன்...

முன்பு
எதற்கெடுத்தாலும்
கோபப்பட்டவன்...
இப்போது
எது நடந்தாலும்
பொறுமையாகவே
இருக்கிறான்
சிறையில்...!

(பத்திரிகையில் படித்த கவிதை)

நன்றி

மெழுகுவர்திக்கு
உயிர் கொடுக்க
உயிர் விட்டது தீக்குச்சி..
அதை நினைத்து நினைத்து
உருகியது மெழுகுவர்த்தி..



(எங்கேயோ படித்த கவிதை)

மௌனம்

எப்படியடி
உறங்குவேன்
என் இதயத்துக்குள்
பேர் இரைச்சலை
உண்டாக்குதடி
உன் மௌனம்!


(தமிழன்பன் கவிதை) 

நூல்

ஊசியின் முனையில்
கோர்க்க்ப்பட்ட
நூல் புலம்புகிறது
மாட்டிக்கொண்டேன்
என்று...
அதற்கெங்கே
தெரியப்போகிறது
ஏழை மங்கையின்
மானத்தைக்
காக்கப்போகிறது
என்று!

(பத்திரிகையில் படித்த கவிதை)

மலிவு

எல்லா பொருட்களுமே
விலை ஏறிவிட்டது!
மனித உயிர்கள் மட்டும்
மலிவாகவே கிடைக்கிறது
என் தேசத்தின்
தெருக்களில்...


(தமிழன்பன் கவிதை) 

பார்வை

அன்று உன்
பார்வை அலைகளால்
என்னை அடித்தாய்
இன்று என்
இதயப் பாறையில்
நினைவுப் பாசிகள்

 
(எங்கேயோ படித்த கவிதை)

கசந்தேன்

நான் காதல்
கொண்டபோது
வேப்பஞ் சாறும்
இனித்தது
காதலி காதலை
கொன்ற கணத்தில்
தேனும் கசந்தது


(தமிழன்பன் கவிதை)

இப்படிக்கு

உனக்காக நான்
துடிக்கிறேன்
ஆனால் நீயோ
என்னைத் தவிர
யார் யாரையோ
நினைக்கிறாய்..
இப்படிக்கு,
உன் இதயம்

(கைபேசியில் வந்த கவிதை)

என் கல்லறைக்கு

ஒரு மலரின்
மேல் ஆசைப்பட்டதால்
பல மலர்கள் வந்தன
என்னைத் தேடி
என் கல்லறைக்கு


(கைபேசியில் வந்த கவிதை)

மறந்திருப்பேன்

கண் உள்ள வரை
பார்த்திருப்பேன்
காலம் உள்ள வரை
நினைத்திருப்பேன்
என்றோ ஒருநாள்
மறந்திருப்பேன்
அன்று நான்
இறந்திருப்பேன்

(கைபேசியில் வந்த கவிதை)